கலாபகாதலன் !

கொஞ்சம் பெரிய பின்னுட்டம் -2

2011-06-25T06:31:00.000-07:00

தேடல்

தேடல்கூட ஒருவிதமான இச்சையா அல்லது காதல் போல அதுவும் ஒரு உணர்வா ??

ஒவ்வருவருக்கும் ஒரு விதமான தேடல்கள் கண்டிப்பா இருக்கும்.

கற்றல் நிற்கும் பொழுது முன்னேற்றம் தடைபடுவது போல , தேடல்கள் குறையும்பொழுது நமது வாழ்வியல் சார்ந்த வளர்ச்சியும் கொஞ்ச கொஞ்சமா நின்றுவிடும் என்பது என் கருத்து.

எதை நோக்கிய தேடல் ஆரோக்கியமானது ..? அது இன்றும் விவாதத்துக்கு உரியது..

தேடல்கள் நல்லதா , கெட்டதா ? அது அவரவர் கண்ணோட்டத்தை பொருத்தது..

மொத்தத்துல தேடல்களால் மட்டுமே ஒருவரை புதுபிக்க முடியுமங்குறது எனது ஆழ்ந்த நம்பிக்கை..

தேடல் பத்தியும் அதோட சாரம்சம் பத்தியும் அதிகம் பதிவு செய்யும் எழுத்தாளர்களில் எழுத்தாளர் திரு.எஸ். ராமகிருஷ்ணன் மிக முக்கியமானவர். அவரோட எழுத்துகளில் பயணம், கலாச்சார மாற்றம் மற்றும் சக மனித உணர்வுகளின் வெளிபாடுகள் அதிகம் காணப்படும்.

அவரோட நூல்களில் கேள்விக்குறி என்ற ஒரு புத்தகம்...... அதுல உள்ள கேள்விகள்ல குறைந்தபட்சம் ஒரு கேள்வியாவது நம்ம அன்றாட வாழ்க்கையில எதிர்கொண்டு இருப்போம்.

அத்தனையும் மனசுல நெறிச்சி முள்ளாக இறங்கும் கணைகள்.

நான் அதுல உள்ள நிறைய கேள்விகளை எதிர்கொண்டு இருக்கேன்.

அத்தனையும் என்னோட அவமான பக்கங்களில் அனுபவமாக சேர்ந்து இருக்கு.

சுமார் ஒரு இரண்டு வருடங்களுக்கு முன்பு "Into the Wild" னு ஒரு படம் பார்த்தேன். அந்த உண்மை கதைய மையமா கொண்ட படம் ..உங்களோடு பகிர்ந்துக்க விரும்புகிறான்.

ஒரு கல்லூரி மாணவன் பட்ட படிப்ப முடிசிட்டு .. அந்த பொழுது வரை சம்பாரித்த அனைத்தயும் ஒதுக்கிவிட்டு .. போலித்தனம் இல்லாத வாழ்க்கைமுறைய தேடி பயணப்படுகின்ற, அனுபவம் முலமா கற்றுக்கொள்ளுதல் நிறைவைத்தரும்னு சொல்லுற படம்..

தேடி பாருங்க...

தேடல் இல்லா வாழ்க்கை

காதல் இல்லா காமம் போல...

இன்னும் தொடரும்

கொஞ்சம் பெரிய பின்னுட்டம் !

2011-06-21T22:49:00.000-07:00

தனிமை

இன்னும் 15 நிமிசம்தான் இருக்கு கார்த்திக்.. எதாவது சொல்லனும்ன இப்பவே சொல்லிடுங்க.. போனதுக்கு அப்புறம் தனியா பொலம்பாதிங்க..

என்ன சொல்லுறது .. நிறைய பேசியாச்சு .. நிறைய சொல்லியாச்சு .. இந்த Flight போடுற கூச்சல விட ..என்னுடைய மனசு போடுற கூச்சல் அதிகமா இருக்கு ..

அந்த 15 நிமிசம்தான் "அழகிய அம்மு"

என்னை சுற்றி நிறைய கல்யாணம் ( ஒரு சில மணவாழ்க்கை தவிர ) சுமார் 90 சதவித கல்யாணம் தோற்று போனதாகவே இருக்கிறது.. என்னுடைய கல்யாணம் முதற்கொண்டு .. எங்கோ , எதற்கோ , எப்பொழுதோ, எப்போழுதுமோ ஒரு சமரசத்துல வாழ்க்கை பயணப்பட்டுகொண்டு இருக்கிறது ..

அரிதாய் கிடைக்கும் மலர்ச்சியும் , என்னை சுற்றிய தனிமையும் , வாழ்க்கையில் உள்ள வெறுமையும் அடிநாதம் போல கூடவே வாழ்கிறது.

தோழிகிட்ட இதப்பத்தி உரையாடும்போது .. தோழி சொன்ன .. வாழ்க்கைனா எதாவது விட்டுகொடுத்துதான் ஆகனும் .. சில சமயம் சுய விருப்பம் அல்லது நம்மோட சுய கௌரவம்கூட இருக்கலாம் .. முடிவா விட்டுகொடுத்துலே வாழ்க்கை.. பழய விஷயம்தான் ..எனக்கு இப்பொழுது எல்லாமே புதுசாபடுது..

காதல், தனிமை இதப்பத்தி எழுதும்போது ஒரு படம் ஞாபகம் வருது .. "Just Like Heaven" ஆங்கில படம்தான் ..

மனைவிய இழந்த ஒரு காதலன் பழசை மறப்பதுக்கு புது வீடுக்கு குடிபோகின்றான். அங்கு ஏற்க்கனவே வாழ்ந்த பெண்ணோட ஆன்மாவுக்கும் அவனுக்குமான நட்பு , அதன் வழியே அந்த பெண் இன்னும் மருத்துவமனையில் COMAவில் இருப்பதை அறிந்து அவள் ஆன்மாவை உடம்போடு சேர்த்து வைக்கும் படம் .. முடிவு ரொம்ப சுவாரசியம்.

இங்கேயும் திகட்ட, திகட்ட காதல் .. அனைத்தையும் 5 லிருந்து 10 நிமிசத்துகுள்ள சொல்லிவிடுவார் இயக்குனர்.

வாய்ப்பு கிடைச்ச பாருங்கள் .. காதல் மட்டும் கசக்குறதே இல்லை .. எவ்வளவு வலியை கூடுத்தலும் ..

இன்னும் தொடரும் ..

மீன் கொழம்பு..

2010-07-19T00:03:00.000-07:00

எப்போதும் போல அவசர அவசரமா அலுவலகத்துக்கு கிளம்பிட்டு இருந்தேன். 8 மணிக்குள்ள ரயில் ஏறினாதான் சரியான நேரத்துக்கு அலுவலகம் போக முடியும். இந்த அவசரத்துல நான் எதையும் கவனிக்க உன்டான நேரம் ரொம்ப குறைவு.

ம்ம்ம்ம்ம்....

என்ணோட மனைவியோட குரல். என்னை கூப்பிடுறாங்கனு அர்த்தம். இந்த 1 1/2 வருசத்துல ம்ம்ம்.. க்கும்ம்.. இப்படினு ஒரு 10ல இருந்து 15 வகை கேட்டு இருக்கேன். ஒவ்வொன்னுக்கும் ஒரு அர்த்தம்னு கண்டுப்பிடிக்கிறதுக்குள்ள... சரி அதவிடுங்க. இதபத்தி எழுதனும்னு ஆரம்பிச்சா மொத்த தலைப்பையே மாத்தியாகனும்.

என்ன ? ( இது நான் !)

ஊர்லேந்து கெஸ்ட் வராங்க..இப்பதான் போன் வந்தது..

சரி.. அதல்லாம் நீயே பார்த்துக்கோ.. சாய்ந்திரம் நான் வந்ததுக்கப்புறம் மத்தத பார்த்துக்கலாம்..

சரி .

வீட்டு மாடிபடி இறங்கும்போதுதான் ஒரு விஷயம் ஞாபகம் வந்தது.. இந்த வீட்டுக்கு வந்து இரண்டு வாரம் தான் ஆகுது.

இப்பதான் முதல் முறையா எல்லாரும் வராங்க. எதாவது அசைவம் வாங்கி சமைச்சா நல்லா இருக்கும்னு நினைச்சேன்.

நேரம் இல்லாதனால ஒரு ஆட்டோ பிடிச்சு இரண்டு கிலோமிட்டர் துரத்துல உள்ள மார்க்கட்டுல மீன் வாங்கிட்டு வீட்டுக்கு போன் பன்னினேன்.

ம்ம்ம்ம்...

நான் ஆட்டோல வீட்டுக்கு வந்துட்டு இருக்கேன். கொஞ்சம் கேட்டுக்கு வெளிய வந்து நிக்கிறியா...?

எதுக்கு ?

எதுக்கா..?

சரி வரேன்...

அவுங்க கேட்டுக்கு வரவும் நான் வீட்டுக்கு வரவும் சரியா இருந்துச்சு. 2 கிலோ மீனை கையில கொடுத்தேன்.

வாங்கிட்டு ஒரு கேள்வி கூறி பார்வை..

என்ன இது..? ( அப்படினு நானே நினைச்சிக்கிட்டேன்.. வேற என்ன கேள்வி இங்க பொருத்தமா இருக்கும்னு எனக்கு தெரியல..)

சொந்தகாரங்க வீட்டுக்கு வராங்கனு சொன்னல்ல.. அதுதான் மீன் வாங்கிட்டு வந்தேன்.. பாதி கொழம்பு வச்சி மீதிய வறுத்து வையி..

சரி...... பன்னுறேன்...... அப்படினு எந்த ஒரு வார்த்தையும் இல்ல.. ஆனா முகத்துல அதிர்ச்சியும், ஆச்சர்யமும் இருந்தது.

எனக்கு உள்ளுக்குள்ள கொஞ்சம் பெருமை, சொந்தகாரங்க வராங்கனுதும் எப்படி பொருப்பா மீன் வங்கிட்டு வந்துட்டேனு முகத்துல அதிர்ச்சி, ஆச்சர்யம் போலனு..

அவசரமா திரும்பி ஆட்டோல ஏறப்போன ஆயிரம் வாட்ஸ் மின்சாரம் காதுக்குள்ள அடிச்ச மாதிரி ஒரு வார்த்தை.. இருந்தாலும் ஒரு சந்தேகத்தோட பாதி திரும்பின மாதிரி ஆட்டோல ஏறப்போன..

மாமா...

அதிர்ச்சியும், ஆச்சர்யமும் இப்போ என்னோட முகத்துல. இப்படி என்ன யாரும் கூப்பிட்டது இல்லை.. அதுமட்டும் இல்ல இவங்க என்னை " எப்படியும் " கூப்பிட்டது இல்லை..

அந்த அ, ஆ எதுவும் மாறாம பக்கத்துல போயி என்ன விஷயம்னு கேட்டா..

மாமா... எனக்கு மீன் கொழம்பு.........

இதுக்கப்புறம் நடந்தது எல்லாம் மகா, மெகா அதிர்ச்சியான சம்பவங்கள்..

வந்த விருந்தாளிங்க எல்லாம் நல்ல மீன் கொழம்பு, ரசம்னு சாப்பிட்டு மறுநாள்தான் போனங்க..

ஆனா ஒரு விஷயம் மட்டும் புரியவே இல்லை.. மறுநாள் நல்லபடியா ஊர்போய் செந்தாங்களா.. நல்லா இருக்கிங்களானு தெரிஞ்சிக்க போன் பன்னா எடுக்கவே மாட்றாங்கா..

தென்னாலிராமன் " பூனை பால் கதையா இருக்குமோ...."

வேணாங்க.. ப்ளிஸ்..

2009-03-26T03:53:00.000-07:00

வேணாங்க.. ப்ளிஸ்..

செல்லம் இந்த ஒரே ஒரு தடவை...

இப்ப வேணாமே..

ஏன்டி...

எல்லொரும் இருக்காங்க விடுங்கனா...

இன்னைக்கு மட்டும்... அதுவும் இப்ப மட்டும்.. ப்ளிஸ்...

எனக்கு வெக்கவெக்கமா வருது.. சொல்லுரத கேளுங்க.. விடுங்க....

என்ணோட கண்ணப்பாரு மொதல்ல.. பாருன்னா..

ம்க்கும்... முடியலமா...

இங்கதான் யாரும் இல்லையில.. அப்புறம் என்ன..

பக்கத்து ரும்லதான் அத்தை இருக்கங்க... விடுங்க் ப்ளிஸ்...

இப்ப மட்டும்.. இனிமே டிஸ்டர்ப் பன்ன மாட்டேன்.. சத்தியமா...

இப்ப வேனாம்.. இரத்திரி...

அருமை பொண்டாட்டியே.. நா என்ன.. முத்தமா கேட்டேன்..

கண்ணுக்கு மை வெச்சிவுடறனு தாணே.. கெஞ்சிறேன்..

இப்படி வெக்கபடுற.. ஆன்டவா...

சிவா மனசுல கார்த்திக் ????

2009-03-24T01:09:00.000-07:00

வாழ்கையில சில பெண்கள் மட்டும் முழுசா மனச ஆக்கிரமிக்றாங்க... எவ்வளவு யோசிச்சாலும் எப்படினு கண்டுபிடிக்க முடியல ... இந்த கடைசி 5 மாசமா என்னை முழுசா ஒரு பொண்ணு பைத்தியாமாக்கிட்டா..

சுருக்கமா சொல்லனும்னா வெயில் காலத்துல வர சின்ன நிழல் மாதிரி எவ்வளவு அனல் இருந்தாலும் அந்த குளுமைக்கு மனசு எங்குமே அப்படி ஒரு பொண்ணு

எல்லா காதலையும் கண்ணுல மறச்சு, வார்த்தையால கொல்லுறது எப்படினு போட்டி வச்சா இவங்களுக்குதான் முதல் பரிசு... அவ்வளவு நல்லவங்க !!

இவங்க கிட்ட " ஐ லவ் யு" சொன்னா ஒன்னு " சரி " இல்லை "முடியாதுனு" சொல்லனும் அதவிட்டுட்டு இவுங்க பண்ண "அட்வஸ்ல" அந்த பையன் ஓட்டல்ல 3 நாள் ரூம் போட்டு அழுதுட்டு பாதிரியாரா மாறிட்டான்.

நானும் இந்த 5 மாசமா 8, 11 எல்லாம் போட்டு காட்டி ஒரு வழியா கொஞ்சம் நெருக்கமானதுக்கப்புறம்.. ஒரு நல்ல நேரம் பார்த்து "ரொமட்டிக் நைட்னு" சொல்லுவாங்கள்ல அப்படி ஒரு நேரம்..

அழகா ஒரு ரோஸ் கொடுத்து

ஸ்வீட்டி உன்ன லவ் பண்ணுறேன்..

கல்யாணம் பண்ணிக்கனும்னு ஆசைபடுறேன்...

" உன்ன லவ் பண்ணத்துக்காக இல்ல.. இன்னும் லவ் பண்றதுக்காக"

அப்படினு சொன்னா.... அதுக்கு அவ சிம்ப்புலா... கார்த்திக். இந்த 12பி பஸ் தெனாம்பேட்டை வழியா போகுமானு .......

அந்த சோகத்துல நான் அழறத பார்த்துட்டு "காதலர் சங்கத்துல" இருந்துகூட வக்கில் நோட்டிஸ் அனுப்பினாங்க... ஆனாலும் ரிசல்ட் என்னமோ நான் 8த் கணக்கு பரிட்சைல எடுத்த மார்க்கு "O" தான்.

அதனால இந்த பிலகு கூரும் நல்லுலகத்தை வேண்டுவது என்னனா.. என்னொட இரண்டவது இன்னிங்க்சும், காதலும் ஜெ.ஜெனு இருக்க இந்த கருணவை வாழ்த்துமாறு கேட்டுக்கிறேன்.

ஊருக்கே எப்படியேல்லாம் காதலிக்கறதுனு சொன்ன எனக்கு இப்ப ஒரு ஐடியா கூட வர மாட்டங்குது... ஒபனிங்க் நல்லதான் இருக்குது... பினிசிங்கு சரியா இல்லைப்பா....

விதி வலியதுனு எல்லாரும் சொன்னப்போது கூட நான் நம்பல... ஆனா எனக்குனு இப்படி ஒரு நிலைமை வந்தாப்புறம்தான் அது உன்மைனு தெரிச்சுக்கிட்டேன்..

நானும் காதலில் விழுந்தேன் !

வந்துடோம்முல !!

2009-03-20T02:24:00.000-07:00

எந்த நேரத்துல இந்த பதிவுக்கு விடுமுறை விட்டானோ , சுமார் ஆறு மாசம் நிறைய வேலை , நிறைய தனிமை , கொஞ்சம் சந்தோசம் , கொஞ்சம் காதல் .. இதுதான் இந்த ஆறு மாசம் என்னோட வாழ்க்கை .. திடீர்னு காதலே வாழ்க்கையில இல்லாம போன மாதிரி ஒரு நினைப்பு...

அதனாலதான் எனக்கு ஒண்ணுமே எழுத தோனல ..

இன்று முதல் எனது இனிய இரண்டாவது துவக்கம்... இனிமே தொடர்ந்து எழுதுவேன்... வேற எத பத்தி காதல் காதல் காதல் தான்......

அன்புடன்

கருணாகார்த்திகேயன்

கல்யாண சேதி !!

2008-09-19T03:19:00.000-07:00

அன்புடையீர் !!

இதனால் அனைவருக்கும் தெரிவிப்பது இன்னான... எனது அருமை தம்பி முரளிதரனுக்கும் அவநோடைய நேசம் ப்ரீத்திக்கும் கல்யாணம் என்று வருகிற நவம்பர் 2 ஆம் தேதி பெரியவர்களால் முடிவு செய்யப்பட்டது.

முடியாதுன்னு மக்கர்பண்ண இரண்டு வீட்டுகாரங்க கழுத்துலையும் கத்தி வச்சதால அவுங்களே பெரிய மனசு பண்ணி சுமுகமா ஒத்துகிட்டாங்க.. வேற வழி...

உடனே உனக்கு எப்போனு கேட்காதிங்க...

சிக்கினா சொல்லாமல போயிடுவேன்....

வாழ்த்துக்கள் சொன்ன ரொம்ப சந்தோசம்..

என்றும் அன்புடன்
கார்த்திக்

மனசு !!

2008-07-28T23:40:00.000-07:00

மக்களா .....

இன்று முதல் கொஞ்சம் காலம் இந்த பிலாகுக்கு விடுமுறை விடுகிறேன்....

ஒன்னுமில்லைங்க .. மனசு கொஞ்சம் சரியில்ல.. அதுதான் ... திரும்பி வரும்போது கண்டிப்பா நல்ல கதையோடும் , கருத்தோடும் வருவேன்......

அன்புடன்
கார்த்திகேயன்

கண்ணாமூச்சி ஏனடி ??

2008-07-14T04:26:00.000-07:00

எப்படி சொல்றது .. எங்கே ஆரமிப்பது.. 8 மாசத்துக்கு முன்னடி என்னோட நண்பன் S.K கூட ஊர்சுத்தும்போது அவள பார்த்தேன்.. ரொம்ப புடிச்சு இருந்தது.. ஒரு பத்து நிமிசம் பழக்கம்.. உடனே நான் அவளக்கு " ஐ லவ் யு னு " சொல்லிட்டேன்.. அவளுக்கும் என்ன ரொம்ப புடிச்சு இருந்தது...

தினமும் என்கூட பேசலைனா அவளுக்கு தூக்கமே வராது. அப்ப அப்ப சின்ன சண்டை போட்டாலும் இரவு 12 மணிவரைக்கும் பேசுர சுகமே தனிதான்.

அவளோட அழகான சினுங்கள்கூட என்னோட எந்த மாதிரியான தூக்கத்தையும் கலச்சிடும்.. அப்படி ஒரு காமகுரல் அவளோடது எவ்வளவு அழகா என்னை கூப்பிடுவா.... ஸ்ஸ்ஸ்.......

என்னோட காதோட அவ பேசுறது.. சட்டைக்குள்ள கூருகூருக்குறது எல்லாமே சுகம் .. ஒருவித அலுக்காத சுகம்..... அனுபவிச்சா தெரியும்... இப்பகூட அவளுக்கு புடிச்ச சட்டை பாக்கட்டை தொட்டு பார்க்கும்போது எங்கயோ மனசுஒரத்துல முத்தம் தந்த மாதிரி இருக்கு ...

நேத்துகூட அவளுக்கூட பேசினேன்.. கடைசியா ஒரு 12 மணிஇருக்கும்.. அழகா குட் நைட் சொல்லி முத்தம்கூட கொடுத்தா.. அப்பகூட தெரியாது அவ என்னைவிட்டு பிரிய போறானு..

காலைல 10 மணிக்குதான் தெரியவந்தது அவளை கானலைனு.. தெடாத இடம் இல்ல தெரிஞ்சவங்க, தெரியாதவங்கனு எல்லார்கிட்டையும் அவள்ளோட அடையாளத்தை சொல்லி விசாரிச்சேன், கடைசியா போலீஸ்லகூட புகார் குடுத்தாச்சு. ஆனால் கண்டுபிடிப்பது கஷ்டம்னு சொல்லிட்டாங்க...

அதுதான் எனக்கு தெரிஞ்சவழியில எல்லாருக்கும் தெரியப்படுத்துரேன்..

உங்களுக்கு இந்த அடையலத்துல இருக்குற என்னோட அவளப்பத்தி தெரிஞ்சா எனக்கு மறக்காம தெரியபடுத்தவும்.. நான் இல்லாம அவ தனியா தூங்ககூடமாட்டா

அடையாளம்

பெயர் : Samsung Thin ( SGH - C170)
பிறந்த தேதி : 07 - Aug 2007
சந்தித்த தேதி : 06 - Dec - 07
உயரம் : என்னோட பாக்கட்டுல பதுங்குற அளவு ..

அங்க அடையாளம்.. அதவேற உங்களுக்கு சொல்லனுமா ...

எந்த படுபாவியோ நான் கனவுல ஸ்ரேயாகூட பேசிக்கிட்டு இருக்கும்போது எவனோ அவன்பேசுரதுக்கு தனியாகிடந்த என்னோட செல் போனுக்கு அதரவு கூடுத்துட்டான் ....போகும்போது கொஞ்சம்கூட கூச்சபடாம செலவுக்கு என்னோட பர்சுல இருந்தே 500 ரூபாய் பணத்தவேற அடிச்சுட்டான்...

லவ்பன்ன பொண்ணு கிடைக்கதான் நமக்கு கூடுத்துவைக்கல.. Atleast லவ்பன்ன செல்-லாவது என்கூட இருக்கும்னு நினைச்சேன்....

இங்ககூட உன்னோட ராசி workout ஆகலையேடா கார்த்திகேயா ...

தியானம்

2008-06-27T22:40:00.000-07:00

தியானம் செய்தால் முச்சு சிராகும், மனசு ஒருமுகப்படும் , அதன் பயனாக செய்கின்ற காரியம் தெளிவாகவும், முழுமையாகவும் இருக்கும் ..

இரண்டு வாரமா மனசு ஒரு நிலையாவே இல்லை . என்னடா பண்றதுனு என்னோட அலுவலக நண்பன்கிட்ட ஒரு யோசனை கேட்டேன்.. வேற யாரு இங்கிலீஷ்காரன் !! கட்டுரையுல வர விவேக்கிட்டதான்...

அவனும் என்னடா கார்த்திக்கூட இப்படி எல்லாம் பொறுப்பா ஆகிட்டானு ஆச்சரியப்பட்டு தியானம் பண்ணு மச்சான் , எல்லாம் சரியாகிடும்னு ஒரு அழகான யோசனை சொன்னான் ..

உங்களுக்கே தெரியுமே.. விவேக் எது சொன்னாலும் என்னோட நல்லதுக்குதான் இருக்கும்னு.

நானும் இந்த யோசனையை செயல்படுத்த விரூக்கொண்டு .. என்னோட ரூம்க்கு பக்கத்துல உள்ள ஒரு தியான மையத்துல ஒரு 250 ருபாய் கொடுத்து உறுப்பினரானேன்.. வாரம் இரண்டு நாள் அதுவும் ஞாயிறு மற்றும் புதன்கிழமை மட்டுமே.

விண்ணப்பம் புர்த்தி செய்த மறுநிமிடமே மனசு நிலையானதா ஒரு உணர்வு...

அந்த ஞாயித்துகிழமை காலை ஆறுமணிக்கு டான்னு போயி சேர்ந்தாச்சு..

இரண்டு மணிநேர கடுமையான தியான வகுப்புல ரொம்ப கஸ்டப்பட்டு என்னால தெரிஞ்சுக்க முடிஞ்சது இவ்வளவுதான் ....

தியானம் சொல்லி தர பொண்ணு பேரு சாருமதி
வயசு 23
படிப்பு முதுகலை மனோதத்துவம்
அப்பா ராணுவ அதிகாரி ( துப்பாக்கி வச்சிருக்கார் )
அண்ணன் அமெரிக்காவாசம்
உபயோகபடுதுற சோப்பு லக்ஸ்
உபயோகபடுதுற சென்ட் பா "Fa"
இடுப்பளவு 28
உயரம் 5 அடி 2 அங்குலம்
வீடு தீநகர்ல
ஸ்குட்டி வச்சிருக்கா
நாய்க்குட்டி பேரு சீசர்.

தினமும் மாலை ஒரு மணிநேரம் கடற்கரையில நடைபயிற்சி

இவ்வளவுதான்.. சரி சரி எனக்கு நேரமச்சி. சரியா 6.30 க்கு கடற்கரையில நடந்தா உடம்புக்கு நல்லதாம் ..சாரு அதாங்க சாருமதி சொல்லிருக்காங்க..

பின்ன பொண்ணுகூட அதுவும் அழகான பொண்ணுகூட நடந்தா மனசுக்கும் நல்லதுனு ..ஏதோ ஒரு புத்தகத்துல படிச்சதா ஞாபகம்.. வரேங்க.... அப்புறம் பார்க்கலாம் ...

பின்குறிப்பு :

இத படிச்சிட்டு யோசனை சொன்ன விவேக் Feel பண்ணா அதுக்கு நான் பொருப்பல்ல...

அழகிய அம்மு ..

2008-06-20T03:21:00.000-07:00

கார்த்திக் கடிகாரம் பார்த்தான்.. அய்யோ நேரம் ஆகிடுச்சு..சரியா 11 மணிக்கு அங்க இருக்கனும்.. வேகமாக கார் சாவிய எடுத்துகொண்டு விட்டை பூட்டும்முன் வீட்டை ஒரு முறை பார்த்தான்.. வீடு அலங்கோலமாக... அம்முவோட நினைவு இன்னும் அழமாக வந்தது.. அம்மு அழகிய தேவதை.. எனக்கான தேவதை...

டேய் தடியா.. எழுந்துரு... செல்லம் டைம் ஆச்சுடா...

ம்ம்ம்.... குட் மோர்னிங் ஸ்வீட் ஹார்ட் .. காப்பி எங்கடி கண்ணமா...

அய்யோடா.. கல்யாணத்துக்கு முன்னாடி பல்லுவிளக்காம எதுவும் சப்பிடறது இல்லைன்னு சொன்னிங்க.. இப்ப என்னடான...

இரண்டு மட்டும் இதுல வராது..

ஆஹா.. அது என்ன முக்கியமான இரண்டு...?

ஒன்னு காப்பி...

சரி இரண்டு ..?

நீ..........

ச்ச்சே... அசிங்கம், அசிங்கம்...

அசிங்கம் இல்லடி...அமிர்....

யோவ் சிக்னல் போட்டு 5 நிமிசம் ஆகுது, என்னையா நடு ரோட்டுல கனவு.. அதுவும் சிக்னல் போட்ட அப்புறமும்.. வேகமாக வண்டிய எடுய்யா...

உணர்வு வந்தவனாய் ஆக்சிலேட்டரை அழுத்த வண்டி வேகம் எடுத்தது..

ஹாய் அம்மு ...அம்மு...

இதோ வந்துட்டேன்... வரேன் வரேன்...

இரண்டு நிம்ஷமா கதவை தட்டிகிட்டு இருக்கேன்.. மேடம் என்ன செஞ்சிட்டு இருந்திங்க...

என்ன பதிலயே காணும் .. அம்மு என்னடி உடம்பு சரியில்லையா...

அதல்லாம் ஒன்னும் இல்லமா.. என்னோட முகத்துல ஏதாவது வித்தியாசம் தெரியுதா..?

ம்ம்ம்... எப்போதும் கண்ணுதான் அழகா இருக்கும்.. இன்னைக்கு கண்ணம் ரொம்ப அழகா இருக்கு.. கண்ணையும் மீறி

அப்புறம் ...

இன்னைக்கு சந்தோஷமா.. ரொம்ப அழகா வெட்கபடுற..

அப்புறம் ...

ரொம்ப சஸ்பன்ஸ் வைக்காதடி... யாராவது கேஸ்ட் வந்தாங்களா..?

இல்ல இனிமேல்தான் வர போறாங்க..

யாரு..?

என்ன பார்க்காம திரும்பி நில்லுங்க சொல்லுறேன்..

எதுக்கு...வாவ்வ் கண்ணமா எப்போ...

வேலகார பாட்டி மதியம்தான் கன்பார்ம்் செஞ்சாங்க.. மதியத்துல இருந்து தவிச்சுகிட்டு இருக்கேன் இத சொல்லுறதுக்கு...

அம்மு சந்தோஷத்துல நெஞ்சில சாய்ந்து அழும்போது வந்த உணர்வு இருக்கே..

கீரிச்ச்ச்ச்ச்ச்க்
டேய்.. சாவுகிராக்கி.. நீ சாவுறத்துக்கு என்னோட லாரிதான் கிடைச்சதா..ரோட்டுல , கண்ணையும் , மனசையும் வச்சு கார ஓட்டுயா...

கார்த்திக் கடிகாரம் பார்த்தான்.. மணி 10.45 ஐ காட்டியது... வண்டியை வேகமாக ஓட்ட ஆரம்பித்தான்..

இன்னைக்கும் லேட்டா.. தினமும் இப்படி 10 மணிக்கும், 11 மணிக்கும், வரவேண்டியது.. காலைல 7 மணிக்கே ஆபிசுக்கு போயிடவேண்டியது.., குடும்பம், குழந்தை, பொண்டாட்டினு ஒன்னு இருக்கறதையே வரவர ஞாபக படுத்தவேண்டியிருக்கு..

சாரிடா.. ஆபிசுல கொஞ்சம் வேலை அதிகம்..

அதுதான் தினமும் இருக்குதே.. நீங்க மட்டும்தான் ஆபிசுல வேலை பார்க்கிறிங்களா என்னமோ எல்லாம் நீங்க இருந்தாதான் நடக்குறமாதிரி..

வருஷ கடைசி.. நிறைய வேலை இருக்குடி.. அதை முடிக்காம எப்படி நேரத்துக்கு வீட்டுக்கு வர முடியும்...?

எல்லாத்துக்கும் ஒரு காரணம் .. வர வர நான் வேலைகாரி மாதிரி ஆகிட்டேன்.
இது ஹோட்டல் மாதிரி ஆகிடுச்சு.. சாப்பிடறதுக்கும், தூங்குறதுக்கும் மட்டும்தான் இங்க வரிங்க. பேசாம ஆபிசுல இருக்கவேண்டியதுதானே..

ஏன்டி ஆபிசுலதான் ஒரே தொல்லைனு வீட்டுக்கு வந்தா இங்க நீ வேற..

அப்ப என்னை தொல்லைனு சொல்லுறிங்களா...

டமால்..

என்னத்த போட்டு இப்படி உடைக்கிற.. உனக்கு கொழுப்பு ஜாஸ்தியாகிடுச்சுடீ...

அம்மாஆஆ.....

யோவ் வண்டியவிட்டு இறங்குயா.. இடுச்சுட்டு ராஜமாதிரி உட்கார்ந்துட்டு இருக்க.. என்னையா ஆச்சு அம்மாவுக்கு .. இருக்கா... புடுச்சா... தண்ணி கொண்டாங்கப்பா.. சிக்கிரமா..

ஒரு வழியாக பணத்தை கொடுத்து சரிசெய்து கோர்ட்டுக்கு நுழையவும், வக்கில் எதிரே வரவும் சரியாக இருந்தது...

என்னை வக்கில் சார்.. கேஸ் என்ன ஆச்சு..

கார்த்திக் சார் .. நான் அப்பவே படிச்சு படிச்சு சொன்னேன்.. ஏற்கனவே மூனுவாட்டி வாய்தா வாங்கியாச்சு.. இந்த தடவை நீங்க வந்தாதான் கேஸ கொஞ்சம் இழுக்கமுடியும்னு சொன்னேன்..

சாரி சார் ஒரு சின்ன ஆக்சிடன்ட்.. அதுதான் கொஞ்சம் லேட் ஆகிடுச்சு.. கேஸ் என்ன ஆச்சு..

நாலாவது வாட்டியும் நீங்க வராததால கேஸ் அவுங்க பக்கம் திர்ப்பு ஆகிடுச்சு..

பூமி நழுவுவதை போல் இருந்தது ...
ஓஓஒ கடவுளே.... என்ன சார் இப்படி சொல்லுறிங்க..

நான் என்ன சார் பண்ணுறது..குழந்தை இரண்டு நாள் மட்டும் அதுவும் வாரகடைசியுல உங்ககூட வச்சுக்கலாம். அதுகூட நான் போராடிதான் வாங்கினேன்.

இது தீர்ப்பு நகல் .. புடிங்க..

அம்மு குழந்தையுடன் வருவதை பார்த்ததும் அவளை நோக்கி நடந்தான்..

அம்மு ஒரு அஞ்சு நிமிசம் தனியா பேசனும்..

அதுதான் எல்லாம் முடிஞ்சு போச்சே நமக்குள்ள.. அப்புறம் என்ன இருக்கு...

இந்த கோர்ட்டும் , ஜட்ஜும் சொல்லிட்டா நமக்குள்ள ஒண்ணுமில்லைனு அர்த்தமா...? இவற கேட்டா உன்னை நான் காதலிச்சேன்.. இதோபார்.. உன்கூட நான் சண்டைபோட வரல.. ஒரு அஞ்சு நிமிசம் பேசனும் .. ப்ளீஸ் கடைசியா...

குழந்தையை அம்மாவிடம் கொடுத்துவிட்டு அம்மு வருவது தெரிந்தது..

ம்ம்ம் சொல்லுங்க.. என்ன பேசனும்..

நமக்குள்ள எல்லாம் அவ்வளவுதானா அம்மூ.. முடிங்சுபோச்சா..

அதுதான் கோர்ட்டே..

அதவிடு அம்மு .. நீ சொல்லு .. மனசை தொட்டு சொல்லு .. நான் உன்னை காதலிச்சது நிஜம்.. இப்பவும் காதலிக்கறது நிஜம் ..

உன்னோட Ego விட்டு வெளியேவா அம்மு ..

இதுதான் வாழ்க்கைன்னு உன்னை காதலிக்கல..இவதான் வாழ்க்கைன்னு நெனைச்சு உன்னை காதலித்தேன்.. இப்பவும் உன்னை காதலிக்கிறேன் என்னைவிட.. ஏன் உன்னைவிட ரொம்ப அதிகமா இதை சொல்லுறதுக்கு எனக்கு ஒரு Egoவே, வெட்கமோ இல்ல.. ஏன்னா இது நிஜம் ...

இப்பவும் ஒவ்வொரு நாள் எழுந்திருக்கும் போதும் முதுகுல கோலம்போட்டு நீ எழுப்பமாட்டியானு கண்ணை முடிகிட்டு முழிச்சுதான் படுத்துருக்கேன்..

நீ இல்லாம வீடு மட்டும் இல்ல அம்மு வாழ்க்கையே வெறிச்சோடி போய்ருச்சு .. எல்லாமே மயானமா தெரியுதுடி..

உன்மேல வெச்சுருக்கிற காதலை நான் நிறைய தடவை நிருபித்து காட்டியாச்சு. ஆனா தினம் தினம் நிருபிச்சாதான் காதல்னு சொன்ன வாழ்க்கை ரொம்ப கஷ்டம் அம்மு.. அப்படி நிருபிச்சாதான் காதல்னா அது காதலே இல்லடா...

எல்லாத்துக்கும் மேல நீ இல்லாம எனக்கு வாழ்க்கையே இல்லை ...

இந்த மாதிரி சின்ன சின்ன தப்புக்கு எல்லாம் நீ என்னைவிட்டு பிரியறதுதான் தண்டனைனா.. அதுக்கு நீ என்னை கொன்னுடலாம்.. இப்படி உயிரோட ஒவ்வொரு நிமிசமும் நரக வேதனையில வாழ்றதைவிட...

இப்பவும் சொல்லுறேன் ...
நீ இல்லாம நான் இல்ல
ஏன் நீ இல்லாம நான் எதுவும்மாவே இல்ல

இவ்வளவு சொன்னதுக்கு அப்புறமும். நீ என்ன புரிங்சிக்களைனா.. எனக்கு என்ன சொல்லுறதனு தெரியல..

உனக்காக காத்துகிட்டு இருப்பேன்.. கடைசிவரைக்கும் காதலிச்சுக்கிட்டே..
நான் வரேன் அம்மு .....

தூரமாக நடந்துபோகும் கார்த்திக்கை பார்த்துக்கொண்டே கையில் உள்ள தீர்ப்பு நகலை கிழிக்க தொடங்கினால் காதலுடன் அம்மு........

மெல்ல திறந்த கதவு ! பாகம்-2

2008-06-11T03:56:00.000-07:00

கண்ணொடு கண் இணை நோக்கொக்கின்
வாய்ச்சொற்கள் என்ன பயனும் இல

தேவிமா.. தேவி..
எழுந்திருமா.. மாப்பிள்ள வீட்டுகாரங்க வர நேரமாச்சு.. கொஞ்சம் சீக்கிரமாடா..!

மேரிக்கு காலையில் இருந்தே மனசுக்குள்ள படபடப்பு..

மேரி - ஆரோக்கியம் தம்பதியருக்கு இரண்டு பெண் குழந்தைகள்.. பெரியவள் ஆரோக்கியதேவி, சின்னவள் ஆரோக்கியமீனா.. பெரியவளதான் இப்போ பெண் பார்க்க வராங்க.. மேரி மகளிடம் எதயோ முனுமுனுப்பது ஆரோக்கியத்தின் காதில் விழுந்தது..

மேரி... அவள சும்மா தொந்தரவு பண்ணாத.. அமைதியா விடு.. பொண்ணுதான பார்க்கவராங்க இதுக்கு போயி..

உங்களுக்கு என்ன.. சும்மா அப்பானுதான் பேரு.. கொஞ்சமாச்சும் கவலையிருக்கா.. காலையில் இருந்து உட்கார்ந்த இடத்த விட்டு நகரல.. இவளுக்கும் வயசாகிட்டே போகுது. இந்த சம்பந்தம் முடிஞ்சா கோயிலுக்கு வரதா வேண்டியிருக்கேன்...

என்ன கேக்காம ஏன்டி வேண்டிக்கிற.. போனதடவ 27 நாள் விரதம் இருந்தத நீனைச்சவே எனக்கு தூக்கமே வரமட்டங்குது.. அதுக்குள்ள கோயிலா... வேனும்னா நீ மட்டும் வேண்டிக்கிறதுதானே....

அவருகிடக்காரு.. நான் சொலுறத நல்லா கேட்டுக்க.. பட படனு இருக்காத.. அவுங்க வீட்டுல உன்கூட பேசனும்னு சொன்ன சரின்னு சொல்லவா , வேணாமா....?

எனக்கு ஒரு பிரச்சனையும் இல்ல.. ஆனா ஒரே ஒரு கண்டிஷன் மட்டும்தான்.. பையனுக்கு நிறைய கேர்ள் பிரண்ட்ஸ் இருக்ககுடாது... அவ்வளவுதான்.. மத்தபடி ஒரு..

அடி போடி இவலே.. எல்லாத்தையும் அப்புறம் பேசிக்கலாம்... முதல்ல குளிச்சிட்டு ரெடிஆகுற வழியபாரு...

அக்கா மணி 12 ஆக போகுது .. மாம்ஸ் வர நேரம்... ரெடியா ... ?

ஏய்.. வாயமுடிகிட்டு சும்மா இருக்க மாட்ட.. மாம்ஸ் கிம்ஸ்னுட்டு..

ஏன் இப்படி கோவப்படுற அதுதான் இரண்டு வீட்டுக்கும் பூடிச்சி போயிருச்சி, எனக்கும் பூடிச்சி போச்சி.. அப்புறம் என்ன ...?

என்னடி சொல்ற எப்போ நீங்க எல்லாம் பார்த்திங்க..

போனவாரம் நாம கோயிலுக்கு போனேம்ள்ள அப்போ பார்தோம் நல்ல இருந்தாரு.. அதுதான் சொல்லுறேன்.. ok சொல்லிடு...

தேவி அவுங்க வீட்டுல வந்துடடாங்க கொஞ்சம் ரேடியாகுமா..

இரண்டு குடும்பமும் எதோ ரொம்பநாள் பழக்கம் ஆனா மாதிரி இருப்பதை பார்த்த ஜானுக்கு ஒரு சந்தேகம்.. தேவிக்கும்தான்..

ஆரோக்கியம் மெதுவாக பேச்சை தொடங்கினார்.. எம்பொண்ண பத்தி நானே பெருமையா சொல்லக்கூடாது.. பொண்ணு MBA பஸ்ட் கிளாசுல பாஸ்பன்னியிருக்க, நல்ல வேலைல இருக்க, மாசம் 30 ஆயிரம் சம்பளம் வங்குறா.. நாங்க பொண்ண நல்லவீதம வளர்த்துருக்கோம்... தம்பிய பத்தி...

சார், நானே என்ன பத்தி சொல்லிடுறேன.. படிச்சது.. BE, MBA , ஒரு கம்பெனில GMமா இருக்கேன்.. மாசம் 65 ஆயிரம் சம்பளம்.. சொந்தமா வீடும், காரும் வச்சுயிருக்கேன், வேற ஏதாவது என்னை பத்தி சொல்லனுமா...?

போதும் தம்பி, தம்பி ரொம்ப வெளிபடையான ஆளுனு நினைக்கிறேன்..

ஆமா சார் எப்போதும் மனசுக்கு சரின்னு பட்டத பேசிடுவேன்...

நல்ல விசியம் தம்பி.. சரி தேவிமா ..காப்பி எடுத்துட்டுவாமா..

ஜான் பொண்ண நல்ல பார்த்துக்க.. அப்புறம் இதபாக்கல, அதபாக்கலனு சொல்லாத ..

சரிமா ..அப்புறம் நான் பொண்ணுகூட தனிய பேசனும்..

என்னடா புதுசா இருக்கு.. ஏன் முன்னாடியே சொல்லல...

தம்பி என்ன சொல்லூறாறு..

ஒன்னுமில்ல..பொண்ணுகிட்ட தனிய பேசனும்னு பிரியபடுறான்.. தப்பா நினைச்சிக்காதிங்க..

இதுல என்னமா தப்பு இருக்கு ..எதுக்கும் பொண்ணுகிட்ட ஒரு வார்தை சொல்றேன்..

நாங்க எல்லாம் தோட்டத்துல இருக்குறோம், சீக்கிரம பேசிட்டு கூப்பிடுமா..

ஆரோக்கியம் எல்லாரையும் அழைத்துகொண்டு போவது தெரிந்தது...

ஹாய்..

ஹலோ ஜான் !

என்னபத்தி உங்களுக்கு தெரியும்னு நினைக்கிறேன்

ம் ம்ம் ரொம்ப தெரியாது.. உங்களோட படிப்பு, வேலை..அதுவும் நீங்க இப்ப சொன்னத கேட்டதுல இருந்து...

ஓகே திவ்யா, என்னபத்தி சொல்லிடுறேன்..

பொறந்தது, வளர்ந்தது எல்லாம் இங்கதான்..+2 வரை வித்யமந்திர்ல படிச்தேன். அப்புறம் அண்ணா யுனிவர்சிட்டில BE, MBA அப்புறம் கேம்பஸ்ல வேலை கிடைச்சது. இன்நோன்னு சொல்ல மறைந்துடேன் மிஸ் திவ்யா.. என்ன பொருத்த வரைக்கும் வாழ்க்கையில சந்தேஷமா இருக்கனும் அதுக்காக சின்ன சின்ன கஷ்டம் படுறதுல ஒண்ணும் தப்புயில்ல...

உங்களுக்கு எதாவது என்கிட்ட கேட்கனுமா திவ்யா.. கூச்சபடமா கேளுங்க..

ஒன்னே ஒன்னுத்தான் உங்ககிட்ட சொல்லணும் ..

சொல்ளுங்க..

என்னோட பேரு தேவி... திவ்யா இல்ல... !!!

பாகம்-2 காதல் தொடரும் ...

மெல்ல திறந்த கதவு !

2008-06-02T02:53:00.000-07:00

உண்டார்கண் அல்லாது அடுநறாக் காமம்போல்
கண்டார் மகிழ் செய்தல் இன்று.

" மது கூட உண்டவரைத் தான் மகிழ்விக்கும். ஆனால் கண்டவுடனே மகிழ்ச்சியைத் தருவது காதல் மட்டுமே. "

ஜன்னல் வழியாக தெரிந்த வானம் இன்று புதிதாய் தெரிந்தது எனக்கு, படுக்கையை விட்டு எழாமல் புரண்டு புரண்டு படுத்தும் தூக்கம் முழுமையாக வரவுமில்லை, விலகவுமில்லை. வீட்டு அடுப்படியில் இருந்து அம்மா கூப்பிடும் சத்தம் காதில் விழுந்தும் கனவில் கேட்பது போல் இருந்தது.

டேய் ஜான், ஜான்.. இன்னும் என்னாட தூக்கம் ! மணி ஏழுஆகுது பார் ! எழுந்துரு..

ஏழு மணிக்கு மேல தூங்கினா அம்மாவுக்கு புடிக்காது.. அப்பாவுக்கும்தான்.. ஆனா இன்னைக்கு என்னமோ மனசு துடிப்பா இருந்தாலும், உடம்பு என்னவோ அசதியா இருக்கு.. எல்லாம் நேத்து அடிச்ச ட்ரிங்க்ஸ்தான் காரணம் ... வீகேண்ட் ஆச்சே !!

இதோ எழுந்துட்டேன்மா ! எப்ப பார்த்தாலும் திட்டுதானா ? ஒரு நாள் நிம்மதியா தூங்கவிட மாட்டியே..

அதுதான் தினமும் பத்துமணி ஆபிஸுக்கு ஒன்பது மணிக்குதான் கிளம்பிபோற.. இன்னைகாவது கொஞ்சம் சீக்கிரம் எழுந்துருக்ககூடாதா ??

லிவுதானேமா இன்னைக்கு ! அப்புறம் ஏம்மா ??

யேசப்பாவே ! இரண்டுநாளா படிச்சு படிச்சி சொல்லிருக்கேன், அதுக்குள்ள மறந்துட்ட வர வர பொறுப்பே இல்லடா உனக்கு..

ஆங்.. இப்பதான் ஞாபகம்வருது போனவரம் முழுசா பொண்ணு போட்டா காட்டி பண்ன தொல்லை இருக்கே.. அப்பாடா ! பொண்ணு பேரு.. பேரு ஆங் தேவின்னு சொன்னதா ஞாபகம், நல்ல அழகா, குண்டா, அப்புறம் நல்ல சிரிப்பும்கூட..

என்னை பத்தி சொல்ல மறந்துட்டேனே, வயசு 28, சுமாரான உயரம், சுமாரான கலர், பெண்களுக்கு புடிக்குற எல்லா குணமும் இருக்கிறதா பக்கத்து டேபிள் பொண்ணு சொன்னா.. சுருக்கமா சொல்லும்னா கல்யானம் செய்ய தகுதியான தமிழ்நாட்டு பையன்.

இதுக்கு முன்னாடி கூட நிறைய போட்டோ பார்த்துருக்கேன்.. எல்லாமே எதோ ஒரு விதத்துல மனசு ஒட்டல, ஆனா இந்த பொண்ணு வேனானு சொல்ல எந்த காரணமும் இல்லைங்கறதால சரி போலாம்னு ஒத்துகிட்டேன்.. ஆனா அது இன்னைக்குனு ஞாபகம் இல்லை...

ஜான்........ ஜான்....

இதோ வந்துட்டேன்மா.. ஆமா எத்தனை மணிக்கு போகணும்..
எதாவது வாங்கிட்டு போகணுமா என்ன ?

ஒன்னும் வேணாம்.. 11 மணிக்கு வீட்டவிட்டு கிளம்பனும்...
ஒரு 12 மணிக்கு அங்க போயிட்ட அப்புறம்தான் மத்தது எல்லாம்.

மத்தது எல்லாம்னா ?

ஒன்னும் இல்லடா .. கிளம்பு முதல்ல..

அம்மாவுக்கு எல்லாமே அவசரம்தான் .... நான் அதுக்கு நேர்எதிர்.. எனக்கு அமைதியா, அழகா, கவிதை மாதரி வேனும் எல்லாமே...

பாகம் - 1 - காதல் தொடரும் ...

தேவதை கவிதைகள் 2

2008-05-31T02:44:00.000-07:00

ஒரு வரியில் நிஜம் சொல்லவா,

உயிர் இல்லா உடல்,
வார்த்தை தேடும் மனது,
தூரத்தில் நீ,
அருகில் நான்,
நினைவே உணவாய்,
நீஜமே கனவாய்,

வாழ்க்கையே வலிக்குதடி எனக்கு,
உலகம் தந்து கண்ணை எடுத்து சென்றாய்,
வந்து என்னையும் எடுத்து செல்,

நீ இல்லா உலகம் வேண்டாம் எனக்கு !

காதலுடன்
கார்த்திகேயன்

தேவதை கவிதைகள் 1

2008-05-31T02:29:00.000-07:00

நீர் இல்லா கானகம்
இதயம் பிளந்து தாகம் தனிப்பேன்

நீ உயிர் வாழ்வதே உயிர் எனக்கு !
என்றாவது புறுயும் உனக்கு !

அப்போதும் காதலித்து இறப்பேன் !

காதலுடன்
கார்த்திகேயன்

திருமண நாள் வாழ்த்து !

2008-05-26T23:29:00.000-07:00

27-May-2008 , இன்று திருமண நாள் காணும் தேவதைக்கு

இன்று போல் என்றும் சந்தோஷமாக நல்லறம்
காண என் இனிய வாழ்த்துக்கள்...

மக்களா வாங்க சேர்ந்து வாழ்த்தலாம் !!

ஒரு நிமிஷும் பேர் சொல்ல மறந்துட்டேன் ஹி ஹி

தேவதை = திருமதி மேனா . ரா !!

அன்புடன்
கார்த்திகேயன்

எங்கே என் தேவதை !

2008-05-21T23:55:00.000-07:00

சமீபத்தில் நண்பன் ஒருவனை பார்க்க ஊருக்கு சென்றுருந்தேன். என்னிடம் 6 வருடத்துக்கு முன்பு பத்திரபடுத்தி வைக்க சொல்லிய டைரியை திருப்பிகொடுக்க. எப்போதும் போல வீடு அமைதியாகவே இருந்தது. ஆனால் அதில் ஒரு அசாதரன சூழ்நிலை இருப்பதாக மனசுக்குபட்டது.

எனக்கு நன்கு பழக்கப்பட்ட வீடு அது. நேராக உள்ளே சென்றேன். வழக்கம் போல அன்பான வரவேற்பு. ஆனால் எல்லோர்் கண்களிலும் ஒருவித சோகம், எல்லோருடைய நலமும் விசாரித்துவிட்டு நண்பன் எங்கே என கேட்க திரும்பினேன்.. எத்தேச்சையாக சாமி அறை கண்ணில்பட்டது... அங்கு அவன் மாலை அலங்காரங்களுடன்.. படமாக.. எனக்கு அந்த வீடு சுழலுவதைபோன்ற உனர்வு.

பாவம், காதல் அவனை கடவுளாக மாத்திவிட்டது, அதற்குமேல்் அங்கு இருக்க பிடிக்காமல் நடந்தே ரயில் நிலையம் வந்து சேர்ந்தேன். இந்த ரயில் நிலையத்தில் எத்தனை நாள் அவனோட காதல் பத்தி பேசி இருப்பேன்... எல்லாம் கனவாய். அவனது காதலை பத்தி பேசாத நாளே இல்லை. அவன் உயிரேடு இருக்கும் வரை.. இப்போது அவனோட டைரி மட்டும் அவனது காதலை சுமந்து கொண்டு எனது கைகளில்்.

கையில் உள்ள டைரியின் பக்கங்கள் காற்றில்் படபடத்தது. அதில் சில பக்கங்கள் உயிர் உள்ள காதலை பத்தியது. அனைத்தும் அழகானவை ! அவனது காதலை போலவே ! அந்த காதலில் இருந்து......

பக்கம் 1 :

கல்லூரி முடிச்ச சமயம் அது.. ஒரு கம்பெனில வேலைக்கு சேர்ந்து 5, 6 மாசம் கடந்து இருக்கும், முதல் முதலாய் அவளை பார்த்தேன். நமக்குத்தான் தடுக்கி விழுந்தாலே காதல் வருமே.. ஆனாலும் அந்த உணர்வு எனக்கு புதுசு.. அப்போது தெரியாது அவள்தான் எனது வாழ்க்கையை மாத்தபோகும் தேவதையாக போகிறாள் என்று !

தேவதையை பார்த்த முதல் ஷனமே எங்களது சந்திப்பு நிகழ்ந்தது. புடிச்ச விசயத்தை செய்யும்போது நேரம்போவது தெரியாது.. எனக்கும் அப்படிதான். இரண்டு பேரோட பேச்சும் அன்பை பத்தியதாகவே இருந்தது. நிறைய தேடல்கள் மட்டுமே நிறைந்த காதலை தருங்கிறதுல இரண்டுபேரும் ஒத்து போயிருந்தோம் ! அப்புறம் தொடர்ந்து எங்களது சந்திப்பு ....

பக்கம் 48 :

அவள் இல்லாத வாழ்க்கை சூன்யவெளியில் பயனிப்பது மாதிரி இருக்கும்னு நினைக்கிறேன். அந்த காதல் வழிந்தோடும் பேச்சு, காமமும் , ஏக்கமும் கலந்த பார்வை.. கண்ணைழூடினாலும் உன்னோட காதல் என் முச்சை அழுத்தும்னு நினைக்கிறேன். மனசுநிறைய காதல் இருந்தும் காதோடு சொல்ல முடியாத தவிப்பை என்னனு சொல்ல ...

பக்கம் 72 :

நீ கலைக்காத கேசம் !
கலையாத ஆடை !
கசக்காத காதல் !
எல்லாம் தனிமையில் !
நானும்தான் !

*இப்படிக்கு நான் !

நீ கலைக்காத கூந்தல் !
கலையாத குங்குமம் !
கலையாத ஆடை !
கசங்காத பூ !
எல்லாம் தனிமையில் !
நானும்தான் !

*இப்படிக்கு தேவதை !

காதல்ல ஒரு விசயம்தான் புரிஞ்சிக்கவே முடியாதது, நானும் அவளும் சேர்ந்த மாதிரி ஒரு 10 நாள்கூட பார்த்தது கிடையாது. ஆனாலும் புரிதல் மட்டும் 100 வருடம் வாழ்ந்ததுக்கு சமமாக இருந்தது ஒரு ஆச்சரியம்்.. அந்த காதல்..

பக்கம் 98 :

எல்லா காதல் படத்திலையும் Climax என்னவோ சுபமாகத்தான் இருக்கும். அதே போல என்னோட காதலும் கல்யானத்துலதான் முடிந்தது. என்ன ஒன்னு எனக்குகூட கல்யான பத்திரிக்கை கொடுக்க மறந்துடாங்கனு நினைக்கிறேன்..

இதுக்கு மேல உள்ள பக்கங்கள் எல்லாம் வலிகள்.. ...

எங்கோ கண்காணாத இடத்தில் கஸ்டபடும் அந்த தேவதைக்கும்..
பெத்தவர்களால் மறுக்கப்பட்ட, காதலர்களால்் மறைக்கபட்ட கவித்துவமான காதலுக்கும் இந்த கட்டுரை சமர்ப்பனம் !!

அழகி !!

2008-05-15T03:58:00.000-07:00

நமக்கு சில முகங்கள் மற்றும் உறவுகள் மேல இருக்குற அன்பும், பாசமும், சிலகாலம் கழித்து அதே உணர்வு இருக்கிறது இல்லை. உடனே இது அழகைபத்தி விவரிக்கிற எழுத்துனு நினைக்க வேண்டாம். இது ஆழ்மனசுல இருக்குற அன்பின் வெளிப்பாடாக நம் கண்களுக்கு அவர்களும், அவர்களது உறவுகளும் அழகாக தெரிவது பற்றிய எழுத்து.

மனசு இளமையா இருக்குறது ஒரு வரம்தானே ! எல்லேருக்கும் வயசும் இளமையும் போரப்ப ஒரு தவிப்பு , தாழ்உனர்வு வரும்தானே ? ஒரு ஆறு மாசத்துக்கு முன்னாடி எனது நண்பன் ஒருவன் கல்யாண பத்திரிக்கை கொடுக்கும்போதுதான் நம்மளுக்கும் வயசாகுதுன்னு லேசா புரியவந்தது. வயசும் வருசமும் எவ்வளவு வேகமா ஓடுது..

எல்லாத்துக்கும், எல்லோருக்கும் ஒரு முதிர்ச்சி, தேவைபடுது ! ஆனா எதை பொருத்ததுனு ஒரு குழப்பம் எனக்கு இருக்கு... ரொம்பநாளா... அதே சமயம் நமக்கும் மட்டும் இல்லை நம்மோடு வாழ்க்கையில் பயணபடுகிற எல்லோருக்கும் இதே மாதிரியான உனர்வு வருவதும் சகஜம். என் பயணத்துல நான் பார்க்கிற, பார்த்துக்கொண்டு இருக்குற சில பேரு மட்டும் இன்னும் இளமையா, அழகியாகவே தோண்றுவது எதனாலைன்னு புரியவே இல்லை !!

அந்தமாதிரி என் வாழ்க்கையில் பயணித்துகொண்டு இருக்கும் ஒரு அழகி ஆமாம்... என் கண்களுக்கு என்றேன்டும் அழகியாக.. என்னோட தலைகோதி, நெத்தியில் முத்தம்குடுத்து நான்மட்டும் இந்த உலகத்துல அழகுனு சொல்ற சில பேருல இந்த அழகி முதன்மையானவள்.. என்ன காரணம்னு கேட்காதிங்க ஏன்னா தனக்கு சொந்தம்னு நினைக்கற பொருள்மேல எல்லோருக்கும் இருக்குற வாஞ்சையும், பாசபரிவும் அவளுக்கும் இருக்கும்றது தின்மம்.

சிலபேர காதலிப்பதும், சிலபேரல காதலிக்கப்படுவதும் மனசுக்குள்ள என்றைக்கும், எதையோ வெற்றிகொண்டதுக்கு இடான குதுகலத்தை தருவது நான் உனர்ந்த அழகான விஷயம் அந்த அழகியிடம்..

அன்புக்கும் உன்டோ அடைக்குந்தாழ் ..

இந்த குறள் படிச்சி இருக்கிங்களா ! இல்லேன்னா ஒரு தடவை படிச்சு பாருங்க. மனசுக்குள்ள எதையோ அசைச்சு பார்க்குற வலிமை இந்த குறளுக்கு உண்டு. நாம இந்த மாதிரியான சராசரி உணர்வகூட ஒதிக்கிட்டு எதையே தேடி அலையிறேம். ஆனா எதுக்காக அலையிறேம்னு நமக்கு தெரியுமா ? யோசிச்சு பாருங்க ! ஏன்னா எதை நோக்கி ஒடுறோம்னு தெரியாத, இலக்கு இல்லாத ஓட்டம் எதையும் நமக்கு குடுக்காது !

வாழ்கையில நிறைய அனுபவம் உள்ளவங்ககிட்ட நம்மோட சந்தேகத்தை கேட்கும்போது நமக்கு கிடைகிற விளக்கங்கள் நாம வாழ்ந்து அனுபவிக்கிறதுக்கு இடானது. எனக்குகூட சில சமயம் வருகிற சந்தேகத்துக்கு ஒரு முன்றாம் பார்வை தேவைபடுது. எல்லாரும் சொல்லுகிற கருத்தை நாம கேட்டாலும் மனசுக்கு போறது சில பேரோட வார்த்தைகள்தான். அப்படி எனது மனசுக்கு சொல்ற கருத்தா எடுத்துபது இந்த அழகியோட வார்த்தைகள்.

இந்த மாதிரி சில ஆழமான உறவுகள் மட்டும் இல்லேன்னா நான் எப்போதே திசைமாறி போயிருப்பேன். சொல்லமுடியாது பைத்தியமாககூட ஆகியிருப்பேன்.

இது மாதிரியான ஆழமான உறவுகளை தேடிய எனது பயணம் இன்னும் விரியம் அடங்சியிறுக்குனு மட்டும் என்னால உணரமுடியுது. ஆனால் இருக்கிற உறவுகளில் சிலது மட்டும் இன்னும் மனசுல வானலவு விஸ்வருபம் எடுத்து நிற்கும் போது அதை தாண்டிய தேடல் கொஞ்சம் கஷ்டம்தான். இருந்தலும் உறவுகளை தேடி, தேடி அலைந்து தோல்வி அடையிம்போது சிறுபிள்ளை மாதிரி திரும்பி ஓடிவந்து அழ ஒரு மடி தேவைபடும். எனக்கான மடி இந்த அழகியிடம்.

எனக்கு விரல் புடுச்சு அ ஆ சொல்லிகொடுத்து, எனக்கு வாழ்கையை பத்திய புரிதலையும் உணரவச்ச எனது அம்மா அறிவழகிக்கு இந்த கட்டுரை....

இது அன்னையர் தினத்துக்கான கட்டுரை அல்ல ..
எனக்கு இந்த தினங்களின் மீது நம்பிக்கையும் இல்லை !!

நாங்கதான் அப்பவே சொன்னோம்ல !!

2008-05-10T04:23:00.000-07:00

விசியம் காரமா இருகும்றதல இது

" வயது வந்தோருக்கு மட்டும் "

அதையும் மீறி படுச்சுட்டு என்னை தப்பா நினைச்ச தலைப்ப ஒரு தடவை திரும்ப படிக்கவும்

வாழ்கையில இரண்டு வகை .. நான் பார்த்தவரைக்கும்..

ஒன்னு தான் முன்னேறனும்னு நினைக்கிறவங்க..

இன்னோன்று தான்மட்டுமே முன்னேறனும்னு நினைக்கிறவங்க..

( வித்யாசம் தெரியனும்ன உதவி செஞ்சவனையும்.. முதுவுல குத்துனவனையும் நினைச்சுக்குங்க...)

இது இரண்டாம் வகை பற்றிய பத்தி !!
( இதுங்களபத்தி எல்லாம் ஒரு பிலாகு எழுதனும்னு... என்ன கொடுமைடா சாமி !! )

இப்படி தலைய குடுத்து ( English ல மொழிமாற்றம் செஞ்சுகவும் ) பொழைக்கனும்னு நினைக்ற சிலபேர சமிபத்திய வாழ்கையில் பார்க்கநேரிட்டது.. இதுக்குமுன்னாடி கூட நிறைய * * * * பார்த்திருக்கேன். ஆனா இதுமாதிரி கேவலமான பிறவிகளை இப்போது பார்க்கும்போது.. உடம்பல்லாம் எதயோ மிதிச்சமாதிறி ஒரு உணர்வு.. காசிக்கு போயி 10 தடவை முழுகுனாலும் இந்த பிறவிய பார்த்த பாவத்தை கழுவமுடியாதுனு தோனுது..

வாழ்கையில நிறைய பேரு பல பல தொழில் ( ஒ.. தப்பா வருதுல்ல சரி ) தொழில் இல்ல வேலை செஞ்சு தங்களேட பேர உலகறிய செஞ்சுருக்காங்க.. அவுங்கபேரு மாதிரியே இவுங்க பேரும் நம்ம சரித்துரத்துல கண்டிப்பா இருக்கும். ஆனா அது சந்தோஷமானத இருக்குமா..

என்னோடு பழகுனவங்களுக்கு இது யாருனு பரிசு போட்டியல்லாம் வைக்க தேவையில்லை.. மத்தவங்களுக்கு புடிக்காத இந்த மாதிரி அளுங்கல மனசுக்குள்ள நினைசுக்குங்க..

இந்த மாதிரி நாய்ங்க மேல நமக்கு ஏர்படுறது பயம் இல்லை .. என்னால கத்தி எடுத்து ஒரு ஆள வெட்ட முடியும்.. ஆனா இந்த நாய்ங்ககூட சண்டைபோட மனசு ஓப்பவில்லை. ( இதுவும் பயம்னு நீங்க நினைச்சா வர சனிகிழமை உங்க அம்மாகிட்ட சொல்லி எண்ணை தெச்சு குளிக்கவும் ) எனக்கு இப்படிபட்ட நாய்ங்கள பார்க்கும்போது மனசுக்குள்ள தோன்ற ஒரு அருவருப்பு இருக்கே.. ஒரு பாட்டில் பினாயில் குடிச்சாலும் போகாது.. ( மக்களா யாரும் இதைல்லாம் வீடுல Try பன்ணிடாதிங்க...)

கூட்டி......... சரி அதவிடுங்க . இந்த மாதிரி வேலை செய்யுற அதுவும் மத்தவங்களேட வயத்துலயும் சொல்லமுடியாத எல்லா எடத்துலயும் அடிச்சு சந்தேஷமா அதுவும் வெக்கமே இல்லாம வாழும்போது நாம நம்மல மகாத்மானு சொன்னாகூட தப்பில்லை..

இன்னும் நிறைய எழுதனும்னு மனசு சொன்னாலும் அது எடுத்துதற வார்த்தைகள் அச்சிசுல கோர்க்க முடியாது.. அப்புறம் நானும் அதுங்களோட ( மானுசாங்களதான் நான் அவங்கனு சொல்லுவேன்...) தரத்துக்கு இறங்கின மாதிரியாகிடும்.

கடைசியா அந்த மாதிரி நாய்ங்களுக்கு ஒன்னேஒன்னு சொல்லிகிறேன்..
முடிஞ்ச ஒங்க வேலைய பாருங்க.. இல்லையினா Dash அ முடிகிட்டு போங்க..

இந்த மாதிரி வேலை பார்கிறதுக்கு பேசாம " வேலை " செஞ்சி பொழைக்களாம். அது எவ்வளவே மேல்..

( பின்குறிப்பு : கடைசியில் வந்த " வேலையை " "தொழில்" என்று மாத்தி படிக்கவும்.. அதுதான் சரியா இருக்கும் ...)

தி பாஸ் !

2008-05-06T04:10:00.000-07:00

நம்ம வாழ்க்கையில நமக்கு தெரியாம நிறைய உயிர்களை வதைச்சிருக்கோம், ஏன் உயிர்பலிகூட குடுத்துருக்கோம். ஆனா அதுக்காக நாம எப்போதும் வருத்தபட்டதோ, வருத்தபடபோறதோ இல்லை. இது அந்த மாதிரி நாம முனியாண்டி விலாஸ்ல தின்ன சிக்கன் 65 ஜய பத்தியே, இல்ல தலப்பாகட்டுல முழுங்கின மட்டன் பிரியானிய பத்தினதோ இல்ல. ( சுவையா இருக்கும்றதால, நானும் பிரானிகளை
விரும்புகிறேன் !!)

சில சமயம் நமக்கு கிடைக்குற அதிகாரத்துனால, அல்லது பளு அதிகம் உள்ள
வேலைனாலோ நாம நமக்கு தெரியாமலே சில மனிதர்களோட உணர்வுகளை
அல்லது மனசை சுக்குநுறா உடைச்சி போட்டுறோம். அதுல என்னை ரொம்ப பாதிச்ச சில நிகழ்வுகள் இப்ப இருக்குற வேலையில நடந்தது. சமிபகாலமாக என்னால மனிதர்களை சுலபமா புரிஞ்சிக்கமுடியற காரணத்தால கூட இந்த நிகழ்வுகள் பெருசா என்னை பாதிச்சி இருக்கலாம். எப்படியோ பாதிப்பு அதிகம்றதால இத உங்களளோட பகிர்ந்துக்கிறேன்.

புதுசா கிடைக்கிற சட்டை, நகை, செருப்பு ( இதுல காதல் தனி, அது பத்தி தனியா எழுதுறேன் ) இது எல்லாம் மனுஷனை ஒரு புது வித பரவச நிலைக்கு கொன்டுபோயுடும். ஒரு சந்தோஷம், பெருமை எல்லாம் மனசுக்குள்ள 10 இக்கு 10 து அறையில சம்மணம்போட்டு உட்கார்ந்திடும். அது குடுக்கிற தைரியத்துல நாம ஆன்டவனுக்கு அடுத்ததா பாவிச்சு அடிக்கிற லுட்டி இருக்கே. ( போங்கடா நீங்களும் உங்க வேலையும்!)

இந்த உலகம் மற்றும் மனுஷ உறவுகள் எனக்கு கற்று தந்த பாடம் நிறைய. நாம எவ்வளவுதான் கஷ்டபடுத்தினாலும் ( அது தப்பே இல்லையுனு நினைப்புவேற ! ) ஏசு சொன்ன மாதிரி மறுகன்னத்தையும் காட்டுற மனசு சில பேருக்கு மட்டுமே. என்னோட வதைகளை எல்லாம் மறந்து (மன்னுச்சிடாங்களான்னு இன்னும் தெரியல ) என்னை சகமனுஷனா நினச்சு நேசகரம் நிட்டும்போது உள்ளாற உணருகின்ற அந்த வலி மட்டும் நிரந்திரம். என் ஆயுசுக்கும் !.

செஞ்ச பாவத்துக்கு நாம முகால்வசிபேருக்கு நரகலோகத்துல ( ஆமா நரகலோகத்துல சிகிரட், வோட்கா எல்லாம் கிடைக்குமா ??) கருடபுராண ஆலாபனை என்னவோ நிச்சியம். ஆனால் இது வரைக்கும் நமக்கு தெரியாத பக்கமா இருக்கிறதால அதுபத்தி யாரும் பெருசா கவலைபடுறது இல்லை. ஆனா அந்த சக மனுஷனை திரும்பி பார்க்கும்போது அந்த துன்பயியல் சம்பவம் மட்டும் மனசுல நங்கூரமிட்டு ஆடாமல் அசையாமல் நிக்கிது. அது தர வேதனை சொல்ல முடியாத துக்கத்தையும் கொடுக்குது.

ரொம்ப அழுகாச்சி மேட்டரா இருக்குனு கவலைப்பட்ட நீங்களும் மனசை சின்ன பின்னோட்டம் விட்டு பார்க்கவும். இன்னக்கி இரவு தூக்கத்தை தியாகம்பன்னுற நிலைமை வந்தாலும் ஆச்சரியம் இல்லை. அப்படியல்லாம் கிடையாதுனு தைரியமா சொன்ன புனிதர் பட்டத்துக்கு சிபாரிசு செய்யவேண்டியது என் கடமை. ( சிரிக்காதிங்க ஒரு பட்டம் 5 ரூவாதான் பிச்சுல ஒரு பையன்கிட்ட விசாரிச்சேன் )

சாத்தியமே இல்லையானாலும் Boss என்ற அதிகாரத்துல " சிலம்பரசன் படம் ஹிட்டானும்னு தனுசை அலகுகுத்தி, தீ மிதிக்க வைக்கவேன்டியது உன் பொறுப்புனு " இவனுக பன்னுற அழுச்சாட்டியம் மட்டும் குறையவே இல்லை. பின்குறிப்பு : நானும் ஒரு Boss தான் !

என்னோட வேளையுல சாத்தியப்பட்டது என்ற காரணத்துனால நிராயுதபானிமேல கத்திசுழட்டுன தவறும் நடந்ததது. கண்டிப்பா காயம்பட்டுருக்கும். ஏன்னா எனக்கும் நிறைய அனுபவம் காயத்துல !

எங்கயோ பிறந்து எப்படியே வளர்ந்து சகமனிதன் என்ற ஒரு சின்ன நூலுல நம்மள பினைச்சுக்குற அந்த சுகம் மட்டும் காதலைவிட பெருசுனு நான் நம்புறேன். ஆனால அதைகூட முழுசா காப்பாத்த முடியமா போகும்போதுதான் எங்கோ தப்பு இருக்குனு மனசுக்கு தெரியிது. ஆனா எங்க ஆரம்பிச்சு எப்படி முடியிதுனு தெரியாமல் போவது ஒரு துரதிஸ்டம்.

" மச்சான் Friendship மட்டும் இல்லேன்னா வாழ்க்கையில
எப்பவே நான் பைத்தியமாகியிருப்பேன்டா ! "

கல்லுரியில உணவகத்துல எப்பவோ நண்பன் சொன்ன வார்த்தைகள் இப்பவும் காதுல என்னை சுற்றி காத்துல ரீங்காரமிடுது. குழந்தையாகவே இருந்திருந்தா எவ்வளவு நல்லாருக்கும் !

கப்பல் கரையில் பாதுகாப்பாக இருக்கும் ஆனால்
அதுக்காக அது உருவாக்கப்படவில்லை

- ஆல்பர்ட் ஐயன்ஸ்டின்

நான் அதிகம் காயபடுத்தினதா நினைக்கின்ற sukanya மற்றும் Kalpana வுக்கும் மற்றும் என்னால் காயம்பட்ட அனைத்து இதயங்களுக்கும் இந்த கட்டுரை சமர்ப்பணம்.

அன்புடன்
கார்த்திகேயன்

இங்கிலீஷ்காரன் !!

2008-05-03T04:04:00.001-07:00

எவன் ஒருவன் வெள்ளையா, அழகா, இங்கிலீஷ் பேசுறனோ அவன் நல்லவனாக, வல்லவனாக மட்டுமே இருப்பான் -கருணாநிதி கோட்பாடு - அப்படி ஒரு விஞ்ஞானி கேள்விபட்டதே இல்லன்னு நீங்க நினைச்ச, நிங்க 10 வது அறிவியல் பாடத்தை படிச்சு பாஸ் ஆகியிருப்பிங்கனு நானும் நம்புறன்.

இது உண்மையான கோட்பாடுனு நீங்க நீனைச்ச தயவுசெய்து வேற உருப்படியான வேலை எதாவது போய் பார்க்கவும்.

நானும் எங்க அப்பாவோட இந்த கொள்கைய வழிமொழிகின்றேன். ஒரு இரண்டு பேற பார்த்த பின்பு. வாழ்க்கையிலே நிறையபேறு வந்துபோவாங்க ஆனா சில பேரு மட்டும்தான் சிம்மாசனம் போட்டு உட்காறுவாங்க. ஏன்னு தெரியாது. அப்படி இரண்டு பேறும்தான இந்த விவேக் மற்றும் கார்த்திக் சிவா.. சுருக்கமா S.K.

எனக்கும் அத்தைக்கும் நடுவுல நடக்கிற உள்கட்சி அரசியல்ல (அதாங்க kitchen politics ) முக்கால்வாசி நேரம் ரட்சகனா வந்து காப்பாத்துற ஒரு நல்ல ஜீவராசி இந்த விவேக்.

“FOR “ இந்த சொல்லுக்கு ( ஆமா For ன்ன சொல்லுதானே ? ) Oxford Dictionary இல அர்த்தத்தை தேடி எங்க அப்பாக்கிட்ட அடிவாங்கித்தான்் நான் படிச்சேன் ( சந்தேகம் இருந்தா நான் பிடிச்ச ஸ்கூல்ல விசாரிச்சு பார்க்கவும் ) ஆனா விவேக் வாய தொறந்து இங்கிலீஷ் பேச ஆரம்பிச்சாலே, நான் MS.Word ல Type செஞ்சு Type செஞ்சு Synonyms பார்கறதுக்குள்ள பாதி நாள் ஓடிடும். இவனை பார்த்துதான் நான் ஜட்டி போடவே கத்துக்கிட்டனு பொய்யல்லாம் சொல்ல மாட்டேன். ஆனா இப்படித்தான் Dress செய்யனும்னு அவன்கீட்ட கத்துகிட்டு அத ஒரு நாள் கூட கடைபிடிக்காம இருக்குறதுதான் நம்ம வழக்கம். ( பூவேட சேர்ந்த நாரும் …. யாரே பொழுது பேகாம உளறிவச்சுருக்கானுங்க ) மொத்தத்துல அவன் ஒரு டைகட்டுன ஜென்டில்மேன். அப்புறம் சொல்ல மறந்துட்டேனே, மாமா வாழ்த்துக்கள்டா. அப்பாவனதுக்கு ( எல்லாம் நீ என்னை மாதிரி சின்ன பையன்னு நினைச்சுட்டா .. ஹி ஹிஹி ! )

அடுத்து S.K .. S.K னு சொன்ன காதல்னு அர்த்தம். அவன் காதல் செய்வானு நீங்க நினைச்ச நீங்க 100 % தப்பு . அப்படி ஒரு சிரிப்பு , பேச்சு அவன்கிட்ட. நான் நேர்முக தேர்வுக்கு வர பொண்ணுங்ககிட்ட குட்டிகரணம் அடிச்சி கம்பெனியில சேருங்கனு கதருவேன். ஆனா அவனோ 10 நிமிஷும் பேசி சம்பளமே வேண்டாம் S.K கூட வேலை பார்க்கறதுவே போதும்னு சேர்ந்தவங்கதான் அதிகம். அந்த சாதனை இன்றும் தொடருது. மண்ணு வித்தா கூட S.K கூட வித்தா அது தங்கம் மாதிரினு நீனைப்பு ..எல்லோருக்கும். ( பொண்ணுங்களா இப்படியே எல்லேரும் செஞ்சா என்ன மாதிரி பையன்க எல்லாம் என்னத்த …? )

சிலபேருக்கிட்ட மட்டும் நல்ல பேரு எடுக்குறது ரொம்ப சுலபம். ஆனா பார்கிற எல்லோருக்கும் புடிக்கனும்னா ஒன்னு போப்பாண்டவரா இருக்கனும் இல்லைனா பொறந்த குழந்தையா இருக்கனும். இரண்டுமே இல்லைனா முணாவதா எனக்கு தேறிங்சு S.K வா மட்டும்தான் இருக்கமுடியும். Fans அதிகமாயிடும்னு இங்க Photo போடல இல்லைனா உங்களுக்கே புருங்சுடும்.

தாய்மொழீயில காதலிக்கும் போது மொழிபிரவாகம் நல்ல லாவகமா இருக்கும்ன்னு எல்லேருக்கும் தெரியும். ஆனா இவன்கிட்ட பேசுனதுக்கப்புறம்தான் தமிழ்நாடுல கூட இங்கிலிஷ்ல சிலம்பாட்டம் ஆடுற லாவகம் வந்தது. ஆனா இப்பவும் நான் முதல் வகுப்புதான் படிக்கிறேன். S.K வோ P.hD பண்ணதா ஒரு தகவல் ( S.K முடிஞ்சா இந்த தகவலை உறுதிப்படுத்தவும் ) எல்லாத்துக்கும் மேல இப்படியும் பழகலாம்னு எனக்கு சொல்லிக்கொடுத்த நிறைய பேறுல இவனும் ஒருவன்.. முன்னவெச்ச கால பின்ன வைக்காத S.K தட்டி தூள் கிளப்பு....

எனது இந்த நல்ல மாறுதலுக்கு பின்னாடி இருக்கும் இந்த இரண்டுபேருக்கும் எனது ஒரு சின்ன நன்றி இந்த கட்டுரை..

பச்சைகிளி முத்துசரம் !!

2008-05-02T06:27:00.000-07:00

எப்போதும் போல எங்க அலுவலக canteen உணவை சாப்பிட்டு ஆடு முழுங்கின பாம்பு மாதிரி சாவகாசமா system முன்னாடி உட்காந்தேன்.

ஆன்டி தர சாப்பாட்டை 10 மாசம் சாப்பிட்டு நல்ல இருக்கற ஒரே ஜீவன் நான்னு ஒரு பாராட்டு விழா நடத்தலாம்னு இங்க பேச்சு, தலைமை அண்ணன் விவேக். ( இவரை பற்றி வேற ஒரு கட்டுரையில் காணலாம் )

எதாவது ஒரு Mail வந்து நம்ம அரை தூக்கத்தை கெடுக்கும். ஆனா இன்னைக்கு புதுசா ஒரு "Friend Request " வேற எதுல "Google Chat" ல தான்.. நான் எப்பேதும் தெரியாதவங்க கூட கடலை போடுறது இல்ல ( " Chatting னா கடலைனு அர்த்தம் : கருத்து உபயம் : அம்பிகா)

ஏன்னா ரஜனி சொல்ற மாதிரி நான் ரொம்ப Strict u, Strict u, Strict u, ஆனாலும் ஒரு சின்ன ஆர்வம், நமக்கும் கூட ஒரு "Friend Request " , யாருடானு பார்த்த ஒரு புது பெண்ணு. ( பெண்ணுணா பேயே இறங்கும்னு சொல்வாங்க, நான் வெறும் மனுஷன் தானே. என்ன பண்றது). நமக்குதான் யாரையும் இப்படி தெரியாதே, சரி நீங்க யாருனு ஒரு கேள்விதான் கேட்டேன்..

இப்படிதான் எல்லா கடலையும் ஆரம்பிக்குமா ?? தெரியாம கேட்கல, தெருங்சுக்கதான் கேட்டேன்..

இதுக்கப்புறம் மேட்டர் கொஞ்சம் சீரியஸ்.. முகம் தெரியாம , ஏன் குரல் கூட தெரியாம வெறும் திரை வார்த்தையை மட்டும் நம்பி வர இந்த அன்பு, பாசம், கடலை மற்றும், மற்றும்.... எல்லாம் ஏன் நேர்ல பார்த்து பேசி, பழகினாலும் வரமட்டங்குது.. தெரிஞ்சவங்க இருந்தா எனக்கு எழுதலாம்.. எங்க அப்பாவோட சொத்துல 10 சதவிதம் எழுதிவைக்கலாம்னு நினைக்கிறேன்.

நாங்க போட்ட கடலையை முழுசா தரனும்னுதான் ஆசை, ஆனா இரண்டு publicக்குள்ள நடந்த private விஷயம்ங்கறதால "Censored" ...

பச்சைகிளி முத்துசரம் படம் பார்த்து இருந்திங்கனா அதுல சரத்குமார் பேசுற ஒரு வசனம் வரும் அது மாதிரி....

Helloனு சொன்னா !
என்னேட Blog நல்ல இருக்குனா !
நல்ல சிரிக்க சிரிக்க பேசுறிங்கனா
என்னேட fanனு சொன்னா !
u stolen my Heartனு சொன்னா !
தப்பா நினைச்சுகாதிங்கனு சொன்னா !
நேர்ல பாக்கலாமானு கேட்டா !

பசங்க எல்லாம் எனக்கு மச்சம் இருக்குனு சொல்றங்க..
என்ன பண்றது வயசுசாகி போச்சேடா கார்த்திகேயா.....

தியாகிகள் !!

2008-04-30T23:46:00.000-07:00

இது சுதந்திர போராட்ட வீரரை பத்திய கட்டூரைனு நீங்க நினைச்சு படுச்சா அதுக்கு நான் பொருப்பு இல்லை. எல்லா company லையும் மனிதவளம் மைம்பாட்டூ துறையில் ( அதாங்க HR Department) ஒரு அங்கம்தான் இந்த HR Executive சுருக்கமா சொல்லுனும்முன "Consultant or Recruiter " இத பத்திய ஒரு கருத்து வெளிப்பாடு அவ்வளவு தான்.

எதாவது recruiter இந்த கட்டூரையை பார்க்கற துர்பக்கிய வாய்ப்பு அமஞ்சா உடனே கம்ப்யூட்டரை ShutDown பண்ணிட்டு ஒரு டம்ளர் தண்ணி குடிக்கவும்.
( கெட்ட கனவு கண்டா எங்க பாட்டி இப்படிதான் செய்ய சொல்வங்க!! )

எல்லா மனுஷனுக்கும் ஆசை இருக்கதான் செய்யும். ஆனா இப்படி "C&R" ஆகா இருக்குறதுக்கு நிறைய தியாக மனப்பான்மை தேவை என்பது எனது தனிப்பட்ட கருத்து. சக்கரை வியாதி உள்ளவங்ககிட்ட Sweet பத்தி பேசுறது , சராசரி வசதி உள்ள மானுஷாங்கிட்ட ராஜவாழ்க்கை சுகத்தை பத்தி அளக்கறது எவ்வளவு கொடுமையோ அதைவிட கொடுமை "C&R" ஆக வாழ்க்கை நடத்துவது.

என்ன பண்ணுறது இந்த இந்திய மகா கண்டத்துல வேலை தேடுற அத்தனை லட்சியவாதிகளேட வயசு, சம்பளம் மற்றும் இத்தியாதி, இத்தியாதி பார்க்கும் போது எல்லா " C&R" க்கும் 68டு வயசுல வரவேண்டிய BP, Heart Attack எல்லாம் 23னு வயசுலயே நிச்சியம். பெருமுச்சு விட்டே Office A/C செலவ ஏறவைக்குற அளவு உஷ்ணம்.

23னு வயசுல 15L , 20 L ( L என்றால் லட்சம் என்று கொள்க ) எல்லாம் சகஜம், ஆனா அவங்கள கண்டுபிடிக்கிற நம்ம So called "C & R" ரோட சம்பளம் என்னவோ 6K லிறுந்து 12K குள்ளதான். (K என்றால் ஆயிரம் என்று கொள்க ). ஒரு candidate ஐ அதாகப்பட்டது ஒரு தொழிலாளியை மார்க்கெட் இல் இருந்து எடுத்து company க்கு அனுப்பி select ஆகி , அவனுங்க சேர்ந்து ( இந்த நேரத்துல மானசுக்குள்ளையே உலகத்துள்ள எல்லா மாரியம்மனுக்கும் வேண்டிக்குவோம் எங்க Team Leader இக்கு மொட்டை போடுறோம்னு..).எப்போது இஞ்சி கடுச்ச மாதிரி ஒரு கடுப்பு உள்ளறா இருக்கும் ...

ரொம்பா பாவம் பண்ணது இதுலயும் பசாங்கதான். எப்போதும் போல Male / Male கூட்டணி இதுலயும் ஒத்துவராது. ஒரு பையனை நேர்முக தேர்வுக்கு அனுப்புறதுக்குள்ள மொத்த தாவும் தீர்ந்திடும். காதலிக்கும்போது கூட 8 போட்டுருக்க மாட்டோம். ஆனா ஒரு Candidate ஐ நேர்முக தேர்வுக்கு அனுப்புறதுக்கு தினமும் 11 னே போடனும். ( சுலபமா தெரிஞ்சா நல்ல Yamaha Bike எடுத்து 11 னு போட்டு பார்க்கவும்).

வாத்தியார்க்கு அடுத்து ஏணிப்படியா இருக்குற இந்த சமுதாயத்தை ( ஆமா Society க்கு சமுதாயம்னு தானே அர்த்தம் ?? ) தியாகினு சொல்வது பொருத்தமா இருக்கும் என்பது அடியேன் கருத்து.